用藝術展現歷史 老友記傳承生命故事
用藝術展現歷史 老友記傳承生命故事
詳情
介紹:
每個人生命中都有唔同嘅故事,動人故事甚至可以用嚟鼓勵其他人。黛安知道,仁愛堂早前舉辦咗名為「共享‧優悅‧傳承」嘅長者生命故事藝術展,將11位獨居長者以往嘅故事化成藝術品同繪本,即日起至30號喺大埔運頭塘新城免費展出,用故事溫暖數代香港人。
其中,年屆95歲嘅楊興婆婆,就透過仁愛堂一班義工,將70幾年前佢被「賣豬仔」去婆羅乃打工嘅故事展現出嚟,義工將昔日楊婆婆透過聽錄音機自學英文、幾分鐘燙好一條多層跳舞裙等「歷史」化成藝術,同大家分享,好有正能量。
仁愛堂社會服務科經理方詠思同黛安分享,近年不時聽到年輕人自殺嘅消息,所以諗到齊集社區中一班老中青幼嘅義工,了解長者嘅故事後,一齊設計藝術,希望以生命影響生命,黛安都覺得活動好有意義啊。
撰文: 黛安 消息特靈八卦公關
欄名: 八卦名利場
轉載資料來源:晴報
新中年故事