樂活APP免費下載
免費會員登記
關於我們

264650707169
歡迎, 訪客
用戶名稱: 密碼 記住密碼
【家事小知識】清洗洗衣機方法

話題: 【家事小知識】清洗洗衣機方法

【家事小知識】清洗洗衣機方法 3 年 6 個月前 #1

  • 飯's Avatar
  • 離線
  • 鑽石會員
  • 文章: 600
  • 收到的感謝: 25
洗衣機可謂係每個家庭主婦嘅恩物,方便快捷,慳咗唔少時間精力。但長時間使用唔清潔就會發現D衫洗得唔乾淨,大量嘅細菌雜質堆積係入面,引起皮膚痕癢問題。為咗殺滅隱藏係洗衣機夾層內嘅細菌,就必須清潔洗衣機。究竟要點清潔洗衣機呢?今日等裝修佬話你知。



洗衣機污垢主要係由五類垃圾組成

自來水嘅鈣離子同碳酸鈣組成嘅水垢;洗衣粉、洗衣液嘅游離物;衣物纖維;人體有機物質;衣物帶入嘅灰塵、細菌以及其它物質。

呢D雜物會堅固咁附係洗衣機夾層內,係常溫中繁殖、發酵,洗衫時會污染衣物帶俾人體。有人皮膚痕癢過敏,多數係洗衣機嘅問題。



洗衣機專用清洗劑

係市面上容易買到洗衣機專用清洗劑,價錢唔櫃但清潔效果唔錯,而且呢種專門嘅清洗劑,對洗衣機嘅傷害比較細。

缺點:係清洗過程中,無論係直立式,還是滾筒式嘅洗衣機都需要浸一段時間,然後要用滿水位清潔幾次,有D浪費水,而且呢個清洗方法大概要兩個月就洗一次,比較麻煩。

自帶清潔功能洗衣機

雖然清潔洗衣機嘅辦法有很多,但總體都係浪費時間、浪費水電,係非常麻煩嘅辦法,而且清洗效果同殺菌效果唔係太理想。其實最簡單嘅方法就係買有自清潔功能嘅洗衣機。現時市面上有唔少呢個功能嘅洗衣機,如果要換洗衣機嘅朋友不妨考慮下。

醋+梳打粉

先用乾衣模式將醋均勻灑係洗衣機內裡,醋可以起軟化作用,將污垢軟化,然後用梳打粉清洗、浸去除污漬。梳打粉呈弱鹼性,唔會腐蝕機體。而且醋同梳打粉方便購買使用,唔需要擔心殘留危害皮膚健康。

缺點:畢竟唔係專業去污產品,浸加清洗一般需要三個鐘以上,時間比較長,而且可能需要兩次先可以徹底清洗乾淨。另外醋嘅味道比較大,可能會殘留異味。

消毒水

消毒水也有較好嘅去污能力同殺菌效果,可以用於洗衣機清潔,清潔方法同樣係浸泡清洗,但如果係大型嘅滾筒式洗衣機,最好將入面嘅內筒,外面嘅零件都拆開清洗乾淨,所以會非常麻煩。

缺點:消毒液腐蝕性強,要注意兌水比例,而且浸泡時間唔可以太長,大概半個鐘就得啦,不過時間比較短去污效果會無咁好。

裝修佬溫馨提示

家用洗衣機一般每2~3個月進行一次清潔消毒,可以用一般消毒劑,普通消毒清潔劑、漂白水或除垢液例如滴露、威露士等。 平時最好將衣物、床單分開洗,底衫同襪儘量用手洗,亦可用50℃左右嘅熱水清洗。

洗衣機唔好放係潮濕地方,廁所唔適宜擺放洗衣機。 洗完衫後應該即刻擰出去曬,否則會滋生細菌。

洗衣機嘅排水口一定要高於排水道,唔可以將水殘留係排水喉內。 洗完衫打開洗衣機蓋等佢自然風乾,既可以防止洗衣機老化,又防止滋生霉菌。

資料來源: FANPIECE
最後修改原因: 3 年 6 個月前 來自 .
本論壇禁止訪客發言

【家事小知識】清洗洗衣機方法 3 年 6 個月前 #2

  • Jonathan Liu
  • Jonathan Liu's Avatar
  • 離線
  • 鑽石會員
  • 文章: 382
  • 收到的感謝: 17
謝謝分享
本論壇禁止訪客發言
【家事小知識】清洗洗衣機方法
建立頁面時間:0.144 秒
討論區核心: Kunena